Apektado sang red tide ang walo ka mga baybayon sa pungsod base sa Shellfish Bulletin No. 26 nga ginpaguha sang Bureau of Fisheries and Aquatic Resources.
Ini ang ginakalakipan sang mga Dumanquillas Bay sa Zamboanga del Sur; Daram Island, Zumarraga Island, kag Irong-Irong Bay sa Western Samar; Carigara Bay sa Leyte Island, Tungawan sa Zamboanga Sibugay Province; Biliran Island sa Biliran Province; kag Lianga Bay sa Surigao del Sur.
Suno sa ahensya nga delikado sa karun ang pagkaon sang mga shellfish kag mga ginamos nga nakukuha sa mga nasambit nga kadagatan bangud sa red tide toxin.
Samtang ang iban naman nga kaangay sang mga isda mahimo nga lutuon kag kaunon apang kinahanglan ini nga tinluan sang maayo kag lutuon.
Nagnegatibo naman sa red tide ang pila ka mga baybayon kaangay sang Maqueda kag Cambatutay Bays sa Samar kag Matarinao Bay sa Eastern Samar.
Mahibaluan nga ang nasambit nga mga kadagatan anay na nga nagpositibo sa red tide base sa nakaligad nga bulletin sang BFAR.
