ROXAS CITY -Ginkumpimar sang Action Officer sang Provincial Disaster Risk Reduction and Management Office ukon PDRRMO nga nag-abot na sa probinsiya sang Capiz ang ikaduha nga batch sang mga Capizeño Overseas Filipino Workers (OFWs) repatriates nga nastranded sa Metro Manila.
Ginpahayag ni Mrs. Judy Grace Pelaez nga 8 ka mga capizeño OFW repatriates nga gikan sa Metro Manila ang nag-abot sa probinsiya subong nga gab-i.
Suno kay Pelaez nga duha ka mga OFW repatriates nga maga-abot sa probinsiya ang taga banwa sang Ivisan, kag tag isa sa banwa sang Tapaz, President Roxas, Dumarao, Panay, Pontevedra kag Roxas City.
Gindugang pa ni Pelaez nga sa kinahangdan ipaidalum sa 14 day quarantine ang mga repatriates sa tagsa ka mga quarantine facilities.
Apang sa ika-apat nga adlaw sang quarantine, igapaidalum ang mga ini sa Real-time Transcription-Polymerase Chain Test ukon RT-PCR Test kag ang mga magnegatibo pasugtan nga magapauli sa ila tagsa ka mga poluy-an.
Samtang ginpabutyag ni Pelaez nga mabudlay ang proseso sang pagpapauli sang mga nastranded nga mga OFWs gikan sa Metro Manila bangud tuman kaid-id sang proseso.
Mahibaluan nga kapin 87 ka mga Overseas Filipino Workers (OFW) repatriates ang nagikan sa Metro Manila ang nagpauli sa Western Visayas.
