ROXAS CITY – Nagsuprer sang mga paso sa magkatuhay nga parte sang lawas ang 80-anyos nga lolo matapos masunog ang balay sa New Road, Barangay Banica, Roxas City.
Ginabulong sa ospital bangud sa 1st degree burn ang biktima nga si Felizardo Bengan Sr.
Sa exclusive interview sang Bombo Radyo Roxas kay SFO1 Marlon Garbo, information officer sang Roxas City Bureau of Fire Protection, nagaguwa sa inisyal nga imbestigasyon nga ang nalimtan nga nakasindi nga kandila sa altar ang gintunaan sang pagkasunog sang duha ka panalgan nga balay.
Wala pa nakabitbit sang bisan ano nga gamit ang biktima bangud sa madasig nga paglapta sang kalayo.
Nasuffocate pa ini kag nalipong bangud sa madamol nga aso, apang madasig nga napaguwa sang mga nagbulig nga mga kasilingan.
Nahibaluan nga nagaisahanon lamang nga nagaestar si Bengan Sr. sa iya nga balay kag ginadalhan lamang sang pagkaon sang mga kabataan.
