ROXAS CITY – Kapin sa 80 ka mga establisyemento komersyal sa syudad sang Roxas ang ginpaidalum sa Fire Safety Inspection sang Bureau of Fire Protection Roxas City fire station.
Ini may kaangtanan sa selebrasyon sang Capiztahan 2019 nga magasugod sa Abril 12 tobtob 15, 2019.
Kalakip sa ginpaidalum sa inspeksyon ang mga hotels, restaurants, resorts, lodging houses, boarding houses kag iban pa.
Ginpahayag ni Superintendent Gweenah Besas sang BFP Capiz nga madamo na nga mga establisemento ang naka-kumpleto sang rekisitos sang talatapan kag ilisipon na lamang ang wala pa naka-comply.
Ginpasiguro man sang opisyal nga kinahanglan may yara sang tagsa ka mga fire equipment kag fire exit ang mga establisyemento.
May 65 ka mga personnel gikan sa siyudad sang Roxas kag mga kabanwahanan ang ginpang-deploy sa tagsa ka mga lugar nga pagahiwatan sang mga aktibidad sa diin ginalauman nga magadugok ang madamo nga mga tawo.
Nakahanda man ang apat ka mga firetruck sa tion nga may yara sang magluntad nga sunog.
Nagpanugyan man ang mga ini sa publiko nga likawan ang pagpanigarilyo samtang napatigayon sang mga aktibidad bangud posible nga makatuga ini sang sunog.
Nahibaluan nga magasugod ang Capiztahan 2019 sa Abril 12 tobtob 15, 2019 apang may yara na sang pre-Capiztahan activities sang Abril 6, 2019.
