ROXAS CITY – Patay na sang masapwan ang isa ka lolo matapos nga naghikog sa iya nga payag sa Sitio Nipa, Barangay Culasi, Roxas City.
Ginkilala ang biktima nga si Antonio Olisco 82-anyos.
Sa interview sang Bombo Radyo Roxas kay Marjorie Magbanua, apo ni Lolo Antonio ginkadtuan sini ang lolo sa iya payag para pukawon, apang nakibot ini sang makita nga nakabitay na sa berha.
Gilayon nga gintawag sini ang mga ginikanan para mabuksan ang ginsarado nga pirtahan sang biktima
Suno kay Magbanua nga posible indi na masarangan pa sang biktima ang ginasuprer nga balatian nga hapo kag high blood rason nga ginpakamaayo na lamang sini nga utason ang kaugalingon nga kabuhi.
Nahibaluan nga gintuyo man nga tapuson sang biktima ang iya kabuhi sadto pinaagi man sa pagbitay, apang nakita kag napunggan ini sang apo.
