9, patay sa pagpangluthang sa sulod sang bar sa Ecuador

Patay ang siyam ka mga indibidwal matapos nga ginpangluthang sa isa ka bar sa Ecuador.

Suno sa mga otoridad, hinali nga nagsulod ang mga armado nga suspek sa sulod sang bar kun sa diin nagahampang sang pool ang mga biktima sa General Villamil Playas sa Guayas province.

Ginsiling ni Police Colonel Jhanon Varela nga may yara sang duwa ka biktima ang pilason sa insidente nga gilayon gindala sa balay bululngan.

Isa ini sa mga pinakamadugo nga krimen sa amo nga pungsod kun sa diin sa una nga lima ka bulan pa lang sang 2025 nakarekord na ang mga otoridad sang 4,051 nga kaso sang pinatyanay.

Padayon ang ginapatigayon nga imbestigasyon sang mga otoridad sa insidente.