Emosyonal ang 92-anyos nga si Allen McCloskey sang Galveston Cemetery, Indiana, sa iya nga pagretiro bilang isa ka sepulturero matapos makuha ang titulo sa Guinness World Record bilang ‘world’s longest gravedigger’, nga gintrabahuan sini sa sulod sang 73 ka tuig.
Ginpahayag nga nag-umpisa ang karera ni McCloskey sang tuig 1952 sang hingyuon ini nga mangin relyebo sang local nga sepulturero sa patyo sa sulod sang isa ka semana.
Ang temporaryo sini nga trabaho bilang isa ka sepulturero ang nangin palangabuhian sini sa sulod sang pila ka dekada.
Nakuha ni McCloskey ang Guinness World Record sang tuig 2021 bilang pinakamadugay nga nagserbi nga sepulturero sa kalibutan sa sulod sang 68 ka tuig.
Apang ginkumpirma sang iya bata nga si Dean McCloskey nga opisyal nga nagretiro ang iya nga amay sang Nobyembre 2025 matapos palawigon ang iya rekord sa 73 ka tuig.
