-- ADVERTISEMENT --
Gindala sang World Health Organization (WHO) ang 97 nga mga may sakit kag pilason nga mga pasyente nagikan sa Gaza agud ipabulong sa United Arab Emirates.
Suno sa WHO, umpisa pa lamang ini kag sa mga masunod nga aldaw may yara pa sang dugang nga mga pasyente ang pagadal-on sa nasambit nga pungsod.
Base sa ila nga datos, yara sa masobra 1,000 nga mga pasyente nagikan sa Gaza ang nagakinahanglan sang gilayon nga pagbulong.
Matandaan nga madamo nga mga ospital sa Gaza ang nawasak bangud sa padayon nga pagpang-atake sang Israel.
Una na nga nagpanawagan ang United Nations sa Israel nga untatan na ang pag-atake sa Gaza bangud sa nagalala nga sitwasyon sang mga residente sa lugar.
-- ADVERTISEMENT --
