Nagapangatubang sang seryoso nga problema ang world economy samtang lapnagon ang energy crisis tuga sang tension sa Middle East nga nakaapekto sa madamo nga pungsod.
Nagpaandam si Fatih Birol, head sang International Energy Agency, nga ang sitwasyon subong ang makabig nga “major threat” kag mahimo pa nga makapalala sang problema sa kada pungsod kun magpadayon.
Gin-athag ni Birol nga “very severe” ang krisis subong kun ipaanggid sa mga nagliligad nga global energy problems kaangay sang tuig 1970 nga oil crisis kag ang disruptions matapos ang away sa tunga sang Ukraine kag Russia sang 2022.
Isa sa pinakadako nga concern amo ang partial closure sang Strait of Hormuz, sa diin 20% sang oil kag gas sa bilog nga kalibutan ang nagalabay.
Bilang resulta, nagataas na naman ang presyo sang gatong, sa diin ang U.S oil ang nagalab-ot na sa $100 per barrel.
Gani nagpaandam ang mga eksperto nga kun magpadayon pa ang krisis, mahimo nga magresulta pa ini sa mataas nga presyo sang gatong, mas mahal nga pagkaon kag economic problems sa bilog nga kalibutan.
