Ginatan-aw sang Capiz Police Provincial Office (CPPO) nga isa sa mga dako nga pagpanghat nga ila ginpangatubang amo ang kakulang sang mga personnel kag kagamitan sa pagreponde sa nagkalain-lain nga lugar.
Sa interview sang Bombo Radyo kay Police Major Rachelle D. Garnica, Public Information Officer sang CPPO, iya ginpahayag nga padayon nila ginsulosyunan ang pag-deploy sang mga kapulisan ilabi na sa mga lugar nga mas nagakinahanglan sang ila presensya.
Suno kay Garnica, importante man ang koordinasyon sang kapulisan sa mga Local Government unit agud masiguro nga mahatagan sang prayoridad ang mga lugar nga nagakinahanglan sang dugang nga police personnel.
Dugang pa sini, bisan may kakulang sa personnel kag kagamitan, indi ini dapat mangin rason agud untatan ang pagpangita sang praktikal nga solusyon sa mga problema nga ila ginatubang.
