Preparado na ang Mambusao Municipal Police Station (MPS) kaupod ang ila mga personnel para sa pagkomemorar
Sa interview sang Bombo Radyo kay Police Major Ruby C. Magallanes, Officer-in-Charge sang Mambusao Municipal Police Station, iya ginpakigbahin ang preparasyon sang kapulisan para sa seguridad sang publiko sa tion sang pagdumdom sa mga pinalangga nga nagtaliwan na.
Suno kay Magallanes, kabahin sang masangkad nga preparasyon para sa Undas 2026 amo ang pagpakig-angot sa nagkalain-lain nga ahensya sang gobyerno kag mga force multiplier agud mapadayon ang seguridad sa mga sementeryo, dalanon kag iban pa nga lugar nga ginapaabot nga kadtuan sang madamo nga tawo.
Paagi sa amo nga tikang, ginapaabot nga mas mapadasig ang pagresponde sang mga bombero sa mga insidente sang sunog kag iban pa nga emerhensya, ilabi na sa mga lugar nga ginapaabot nga madamo sang tawo sa tion sang Undas.
Nagpanawagan man ang natungdan sa publiko nga maghalong, sundon ang mga fire safety precaution kag magbuligay sa pagmintinar sang kalimpyo kag kaluwasan sa mga sementeryo kag iban pa nga lugar nga kadtuan sa tion sang pagdumdom sa mga minatay.
