Baynte-uno sa 24 ka testigo nga luyag ipresentar sang kampo ni Vice President Sara Duterte sa impeachment trial ang ginserbehan sang subpoena bilang preparasyon sa pagpadayon sang hearing sa Nobyembre 9 tubtob 13.
Ini ang ginkumpirma ni Senate Secretary kag Impeachment Clerk of Court Renato Bantug Jr., nga nagsiling nga ang nabilin nga tatlo ka subpoenas ang iga-file sa Lunes, Nobyembre 9.
Ginalauman nga magasugod sa sina nga adlaw ang presentasyon sang depensa, kon sa diin maga-atubang ang mga testigo para sa direkta nga pagpangusisa sang kampo ni Duterte, cross-examination sang prosekusyon, kag pagpangusisa sang mga senador-judges.
Madumduman nga 24 ka mga testigo ang nabilin sa listahan sang depensa pagkatapos nga nag-atras si Dean Ralph Sarmiento, nga amo man ang una sa mga luyag nila ipatawag.
Ang pagserbe sang subpoena ang kabahin sang preparasyon para sa hearing agud masiguro ang pagpakita sang mga testigo nga kinahanglan nga makatambong sa impeachment court.
