JAMINDAN, CAPIZ – Ginpakigbahin sang Jamindan Municipal Police Station ang nangin isa sa rason sa pagkabaton sang Gold Eagle Award ang crime solution kag maayo nga komunikasyon sa komunidad.
Sa interview sang Bombo Radyo kay Police Major Jaypee D Silvestre, Officer-in-Charge sang Jamindan MPS, iya ginpahayag nga sa idalom sang Performance Government System “PGS”, kag Transformation Development Program sang Philippine National Police naghatag ini sang kalipay sa ila bangud nga isa sila nakabaton sang pagkilala sang higher office.
Suno kay Silvestre kun balikan ang nagkalain-lain nga programa kag aktibidad partikular na ang maayo nga practice sa pagdumala kag armas baylo bugas kun sa diin may tinutuyo ini nga mahikayat boluntaryo magsungka sang armas.
Pahayag pa niya agud mamentinar ang kaayuhan sang komunikasyon sa komunidad peronal sila naga kadtu sa lugar kag maghatag sang dugang nga ihibalo sa nagkalain-lain nga crime prevention tips.
Dugang man sa impormasyon ang pagiging dokumentado sa pagpatuman sang programa isa sa natan aw nila nga daku nga pagpanghangkat bangud man nga daku nga banwa ang Jamindan Capiz nga kun sa diin may yara ini sang 30 ka barangay kag ang kalabanan sa sini malayo ang tagsa ka lugar.
Sa karon ginapangabay sang natungdan nga mamintinar ang maayo nga relasyon sa komunidad kag mangin madinalag-on pa ang mga programa nga ila ginapatuman.
