ROXAS CITY – Ginkilala kag ginpasalamatan sang Capiz State University (CapSU) ang Bombo Radyo Roxas bangud sa suporta sini bilang media partner sang PAGTUKIB 2026.
Paagi sa isa ka Certificate of Appreciation, ginpabutyag sang CapSU Research, Development and Extension Office ang ila pagpasalamat sa Bombo Radyo Roxas bangud sa maayo nga suporta, media coverage, publicity efforts kag dedikasyon sa pagpalapnag sang misyon sang nasambit nga inisyatibo.
Ini ang personal nga ginbaton ni Bombo Chris Jan Hechanova Lozada, Station Manager sang Bombo Radyo Roxas.
Suno sa CapSU, daku ang nangin kontribusyon sang Bombo Radyo sa mas malapad nga pagbalita sang PAGTUKIB 2026.
Gintugyan ang nasambit nga pagkilala sang Nobyembre 5, 2026, sa Aura Condotel sa Roxas City, Capiz.
Ini ang ginpirmahan ni CapSU President III, Dr. Efren L. Linan, PhD.
Ang pagkilala nagapakita sang importante nga papel sang media sa pagsuporta kag pagpalapnag sang mga programa kag inisyatibo sa research, development and extension sa probinsya sang Capiz.
