Ginkumpirma sang Department of Migrant Workers (DMW) nga isa ka Filipino seafarer ang napatay kag isa pa ang napilasan sa barko nga ila ginsakyan sa Persian Gulf.
Suno kay DMW Secretary Hans Leo Cacdac, kabahin sang Marshall Islands-flaged tanker nga MT Velos Sapphire ang mga pilason nga Pinoy crew.
Base sa preliminary investigation, naigo sang wala mahibaluan nga projectile ang barko kag gintunaan sang pagsigabong sini nga Huwebes pasado ala una sang kaagahon.
May 22 ka mga Pinoy ang sakay sang barko sang natabo ang insidente.
Padulong kuntani sa Bahrain ang barko sang natabo ang pag-atake.
Padayon ang pagbulig sang DMW sa mga napilasan nga biktima.
Nagapati ang tagdumalahan sang barko nga posible isa ka sahi sang missile ang nag-igo sa barko.
Ginapakig-angutan sang DMW ang manning agency sang barko para sa luwas nga pagpauli sang mga nakalampuwas nga mga Pilipino.
