Ginatun-an sang Malacañang ang pagpalawig sang 60 ka adlaw nga suspension sa pag-import sang mga piling pork products, kasunod sang panawagan sang mga local hog raisers nga ipabilin ang restriction tubtob sa first quarter sang 2027 agud maprotektahan ang lokal nga industriya.
Suno kay Palace Press Officer Undersecretary Claire Castro, dapat siguraduhon sang gobyerno ang nagakaigo nga suplay sang karne sang baboy sa pungsod, huptan nga kontrolado ang presyo sini kag proteksyunan ang mga lokal nga manugsagod sang baboy, ilabi na sa atubang sang pamahog sang super El Niño.
Madumduman nga ginpatuman sang Department of Agriculture (DA) ang 60-day suspension sapiling pork imports matapos nga nadeterminar nga ang pagtaas sang imported nga karne ang nagatuga sang dako nga kahalitan sa lokal nga industriya.
Base sa datos sang DA, ang pagkadula sang industriya sang baboy naglab-ot sa halos ₱27.9 billion sa una nga pito ka bulan sang 2026 bangud sang pagnubo sang presyo sang farmgate.
