Ginlakip sang Gilas Pilipinas ang naturalized player nga si Bennie Boatwright sa 12-man roster para sa Window 5 sang 2027 FIBA world Cup Asian Qualifiers sa Seremban, Malaysia, humalin Nobyembre 27 tubtob 29.
Si Boatwright ang magabulos kay Justin Brownlee nga nagapaayo sa pila ka mga injury, lakip ang heart problem.
Kaupod niya ang mga returnees nga sanday Rhenz Abando, Mike Phillips kag Quentin Millora-Brown.
Wala naman sa roster si Carl Tamayo bangud sa injury, Calvin Oftana bangud sa palaabuton nga delivery sang iya asawa, kag si June Mar Fajardo nga nagretiro na sa national team.
Sa subong, may yara sang 4-4 nga record ang Gilas kag yara sa ikalima nga pwesto sa Group E.
Kinahanglan sini nga daugon ang Syria kag Iran sa Nobyembre 27 kag 29 agud madugangan ang tsansa sini nga makasulod sa 2027 FIBA World Cup sa Qatar.
