-- ADVERTISEMENT --

Nakapwesto ang mga personnel sang Bureau of Fire Protection (BFP) sa nagkalain-lain nga venue sang ASEAN Summit sa Metro Manila agud magbulig sa pagmintinar sang kaluwasan sang publiko paagi sa paghatag sang serbisyo sa pagresponde sa sunog, medical emergencies, rescue operations, kag iban pa nga espesyal nga serbisyo.

Lakip sa mga emergency vehicle nga gin-deploy sa nasambit nga mga lugar amu ang bag-o nga ginbakal nga DILG Unified Hotline 911 Ambulances.

Suno sa BFP, sila ang may pinakamadamo nga organisado nga Emergency Medical Services (EMS) unit sa Pilipinas, nga may ginabulubanta nga 8,000 ka EMS personnel kag sobra 500 ka ambulansya nga nagaserbisyo sa nagkalain-lain nga bahin sang pungsod.

Ini nga deployment kabahin sang ila padayon nga pagpanghikot agud masiguro ang madasig nga pagresponde sa bisan ano nga emerhensya kag maprotektahan ang kabuhi kag seguridad sang publiko sa tion sang ASEAN Summit.