-- ADVERTISEMENT --

Nagpirma sang Pilipinas kag Australia sang bag-o nga Defense Cooperation Arrangement (DCA) nga nagatuyo sa pagpabaskog sang depensa sang duha ka pungsod, lakip na ang mas madasig nga koordinasyon sa aktibidad militar kag pagsabat sa kalamidad.

Ginkumpirmar ni Defense Secretary Gilberto Teodoro Jr. kag Australian Ambassador to the Philippines Marc Innes-Brown ang nagpirma sang kasugtanan sang Domingo, Nobyembre 15, sa Eva Macapagal Cruise Terminal sa Manila South Harbor.Philippine News updates

Ang pagpirma ang nasaksihan ni Australian Prime Minister Anthony Albanese nga yara sa Pilipinas para sa ika-49 nga ASEAN Summit.

Paathag ni Teodoro, mayor nga katuyuan sang bag-o nga kasugtanan amo ang pagpasimple sang mga proseso sa idalum sang Philippines-Australia Status of Visiting Forces Agreement (SOVFA) agud mapadasig ang koordinasyon kag pagpatuman sang aktibidad militar sang duha ka pungsod.

Suno sa iya, sa baylo nga mag-agi sa madamo nga mga tikang sa paghimo sang isa ka hilikuton, ang proseso ginalauman nga mangin mas simple kag mas madasig.

-- ADVERTISEMENT --

Ang pagpasangkad sang kasugtanan nagalakip sang dugang nga tingub nga mga hilikuton sa dagat, kahanginan kag duta, subong man mga ehersisyo militar, pagpaambit sang impormasyon kag pagpabakod sang mga ikasarang sang ila mga pwersa militar.

Suno sa tiglikom, pagabuhinan ang mga kinahanglanon nga permit kag proseso agud mas madasig nga makaresponde ang pwersa sang Australia sa tion nga kinahanglan sang Pilipinas ang bulig.Buy Globo

Ang mga butang nga paga-facilitate nagalakip man sang koordinasyon sa pag-angkon ukon pagbakal sang mga kagamitan militar kag pagpatigayon sang mga ehersisyo sa tunga sang duha ka pungsod.

Ginalauman man nga ang ginpabaskog nga pagbinuligay makabulig sa pagpabaskog sang ikasarang sang Pilipinas sa pagbantay sang kadagatan kag pag-amlig sa mga lugar nga sakop sang iya hurisdiksyon.

Ginhatagan man pagtamod ni Teodoro nga ang nasambit nga kasugtanan ang makabulig sa pagpabaskog sang credible deterrence posture sang pungsod, partikular na sa West Philippine Sea.

Samtang, ang pagpabaskog sang maritime domain awareness, pagpaambit sang impormasyon, paghanas kag interoperability sang ila depensa nga pwersa ang kabahin man sang mas malapad nga kooperasyon sa tunga sang Pilipinas kag Australia.

Gin-athag nga ang bag-o nga DCA ang indi pareho sa Enhanced Defence Cooperation Agreement (EDCA) sa tunga sang Pilipinas kag Estados Unidos. Sa baylo, magaserbe ini nga mekanismo para mas matalunsay kag madasig nga mapatuman ang nagaluntad nga kasugtanan sa pagbisita kag pagpatigayon sang aktibidad militar sa tunga sang Pilipinas kag Australia.Buy Globo

Ang bag-o nga kasugtanan nagapadayon sang tatlo ka dekada nga relasyon sa depensa sa tunga sang duha ka pungsod halin sang pagpirma sang ila nauna nga memorandum of understanding sang 1995.