Na-atrasan ang isa ka truck nga kargado sang butong ang poste, balay kag tiangge matapos mapatay ang makina sini samtang nagasaka sa dalan sa Barangay Ilas Norte, Dao, Capiz.
Sa interview sang Bombo Radyo kay Police Major Rey C. Dordas, Officer-in-Charge sang Dao Municipal Police Station, iya ginpahayag nga wala na nakasaka ang truck bangud nagpalya ang makina sini sa talakladon nga dalan, gani nag-atras ini kag nalab-ot sini ang nasambit nga mga propiedad nga nag-angkon sang minor nga kahalitan.
Suno kay Dordas, may yara na inisyal nga pag-istoryahanay ang tag-iya sang truck kag ang mga tag-iya sang naguba nga mga propiedad kaangut sa pagbayad sang danyos.
Nagpahanumdom man ini sa mga motorista nga inspeksyonon anay ang ila mga salakyan antes magbiyahe agud malikawan ang kaangay nga insidente.











