-- ADVERTISEMENT --

Masobra 200 na ka mga modified ukon open mufflers ang kabug-usan nga tambutso ang ginpalapakan sang Local Government Unit sang banwa sang Jamindan, Capiz, bilang kabahin sang kampanya kontra noise pollution.

Sa interview sang Bombo Radyo kay Mac Arthur Valdemar, Municipal Administrator sang Jamindan, iya ginpahayag nga ginadumilian sa idalom sang Municipal Ordinance No. 2021-09 ang paggamit sang modified sa mga motorsiklo kag salakyan.

Suno kay Valdemar, sang tinalikdan nga mga inadlaw masobra 30 diri ang ginpalapakan bilang kabahin sang ila kampanya.

Dugang pa sini, may yara sang penalidad ang mga malapas sa ordinansa, nga nagabalor sang 1,000 pesos sa first offense, 1,500 pesos sa second offense kag 2,000 pesos sa third offense.

Nagpanawagan man ini sa mga motorista nga magkooperar kag magsunod sa ordinansa agud malikawan ang sobra nga gahod kag mapabilin ang kalinong sa banwa.

-- ADVERTISEMENT --