Nagpatigayon sang meeting ang Bureau of Fire Protection (BFP) Region 6 Gender and Development Focal Point System (GAD-FPS) bilang preparasyon sa palaabuton nga paglunsyar sang 18-Day Campaign to End Violence Against Women (VAW).
Ginpangunahan ang meeting ni GAD Chairperson FSSUPT Eden M. Altamia-Baua, DSC, Assistant Regional Director for Operations, nga nagatutok sa preparasyon kag koordinasyon sang nagkalain-lain nga aktibidad para sa kampanya.
Nagtambong man sa meeting sanday Technical Working Group Head FSSUPT Janet J. Germinal, DSC, Regional Chief of Staff; Executive Committee Heads FCINSP Michael L. Lopez, FCINSP Reynan E. Gecana kag FSINSP Maricel G. Cordero; Secretariat Head FSINSP Jasmin C. Mecenas, kag iban pa nga mga miyembro sang GAD-FPS.
Ginapakita sang amu nga inisyatibo ang panikasog sang BFP Region 6, sa pagpanguna ni Regional Director FCSUPT Edwin P. Vargas, DSC, kag sa paggiya ni BFP Officer-in-Charge FCSUPT Wilberto Rico Neil A. Kwan Tiu, DSC, nga maprotektaran ang tawhanon nga kinamatarong sang mga kababainhan kag kabataan nga babayi.
Kabahin man sang ila panikasog ang pagpauswag sang handum, adbokasiya kag kolektibo nga aksyon agud maatubang kag malikawan ang tanan nga porma sang gender-based violence.











