Arestado ang isa ka most wanted person rank 10 provincial level sa Pueblo de Panay Barangay Lawaan, Roxas City.
Ang suspek amo si alyas Marvin, 28-anyos, residente sang Sitio Pamongbongan, Barangay Milibili, Roxas City.
Sa interview sang Bombo Radyo kay Police Lieutenant Colonel Rogelio L Tomagtang Jr., Chief of Police sang Roxas Component City Police Station, iya ginpahayag ang warrant of arrest batok sa arestado nahanungod sa paglapas sa Section 5 kag Section 11, Article II sang Republic Act 9165 ukon Comprehensive Dangerous Drugs Act of 2002
Suno kay Tomagtang, yara na sa kapolisan ang sobra 600 ka rekord sang mga wanted person, lakip ang pila ka kaso nga may madamo nga warrant of arrest, nga ila padayon nga ginatutukan halin sang 2010 tubtob subong nga 2026.
Sa subong, yara na ini sa kustodiya sang Roxas Component City Police Station, para sa nagakaigo nga disposisyon.











