ROXAS CITY – Partially burned ang abandonado nga canteen sa Capiz State University – Dayao matapos ang nagluntad nga sunog las-8 subong nga gab-I sa Barangay Dayao, Roxas City.
Sa interview sang Bombo Radyo kay Jomer Sitjar, electrician sang nasambit nga buluthoan, ginsiling sini nga hinali na lang nagkalayo ang nasambit nga canteen kag bangud sa mabaskog nga huyop sang hangin madasig ini nga nagdaba-daba.
Gilayon naman sila nga nagtawag sang responde sa mga katapo sang Bureau of Fire Protection –Roxas City bangud sa kahadluk nga maulamid sa sunog ang opisina sang Reserved Officers’ Training Corps (ROTC).
Palaligban suno sa iya kun sa diin nag-umpisa ang kalayo bangud ang canteen ang wala sang suplay sang kuryente kag wala na sang tawo sa sulod sang campus.
Nahibaluan nga human sa light materials ang canteen kag gindeklarar nga fire-out las 8:25.
Sa karon padayon ang imbestigasyon sang BFP-Roxas City kun ano ang gintunaan sang sunog.
