Suno kay Abra Provincial Director, Col.Froilan Lopez, nagapangampanya subong sa Barangay Budac ang team sang mayoral aspirant nga si Kathia Alcantara sang may nagluntad nga shooting incident.
Apisar nga wala pa matumod ang matuod nga rason sang pagpangluthang, narekober sang mga otoridad sa crime scene ang duha ka armas luthang samtang nadakpan naman ang isa ka suspetsado kadungan sang pursuit operation.
Subong nga tuig, pila ka serye sang gun violence ang na-record sa nagkalain-lain nga lugar sa probinsya, sa diin naglab-ot sa 20 ka pagpangluthang ang na-record humalin sang Enero tubtob sa bulan sang Abril.
Una na nga nagpaandam si Commission on Elections chairman George Erwin Garcia angot sa posibilidad nga ipaidalum sa Comelec control ang probinsya bangud sa nagapadayon nga kinagamo.
Tubtob subong, pila man ka mga kandidato kag politiko ang nadulaan sang kabuhi bangud sa asud-asud nga pagpangluthang.
