Hilway na ang actor nga si Ricardo Cepeda matapos mapriso sang halos isa ka tuig bangud sa reklamo nga estafa.
Sa social media post sang asawa nga si Marina Benipayo, makita ang pagsaot nila sang actor sa kanta nga “Don’t Be Cruel” ni Elvis Presley.
Tuman ini nga masadya bangud sa nakaupod ang asawa matapos ang 11 ka bulan kag ginpasalamatan sini ang mga nagpalab-ot sang pangamuyop sa iya.
Sadtong Oktubre 2023 na maaresto ang actor sa Caloocan City bangud sa reklamo nga estafa.
Ginpreso ang actor sa Cagayan Provincial Jail sa Tuguegarao City sa Cagayan.
Pag-eksplekar sang actor nga endorser lamang siya sang produkto kag indi siya direkta nga konektado rason nga natingala ini kun ngaman siya naulamid.
Gindayaw naman sang pila ka mga showbiz personality’s ang social media post ni Marina Benipayo matapos ang paghilway sang actor.
