Ginsabat na ni Ellen Adarna ang mga alegasyon sang publiko angot sa financial support nga ginahatag ni Derek Ramsay sa ila bata nga si Liana.
Ini kasunod sa gin-upload nga episode sa YouTube show ni Cristy Fermin nga nagpahayag nga maayo ang pag-atipan kay Liana bangud sa pinansyal nga suporta nga ginahatag ni Derek.
Suno kay Ellen, baliskad ini sa kamatuoran. Iya ginpunto nga siya mismo ang nagapasweldo kag nagagasto para sa tanan nga kinahanglanon sa sulod sang balay, lakip na ang mga groceries kag ang bayad sa ila balay.
Pahayag pa niya, ini man ang nagabayad sang ila balay kag nagagasto sa mga groceries.
Bangud sini, ginpangabay ni Ellen sa mga netizens nga untaton na ang pagtawag kay Derek bilang “good provider” kay, suno sa iya, indi ini ang kamatuoran kag dapat lantawon ang aktwal nga kontribusyon sa kabuhi sang ila bata.
