Ginpakigbahin sang aktres kag content creator nga si Bea Borres ang rason kon ngaa nangin indi na siya aktibo sa social media, bangud sa madasig nga pagbag-o nga dala sang iya high-risk pregnancy.
Sa isa ka post sang Disyembre 6, ginpahayag niya nga nag-untat siya sa pag-post samtang naga-atubang sang mga hangkat sa ikaayong lawas.
Gin-ako ni Bea nga apektado ang iya self-confidence bangud sa mga pagbag-o sa lawas kaangay sang breakouts, keloids, gingivitis, kag hormone-induced body acne.
Sa mga litrato nga iya ginpakita, nabatyagan niya ang realidad sang iya pagpanglakaton sa pagbusong, kag nagsiling nga luyag niya ipakita nga ang pagkailoy nagasugod sa pagdala sang isa ka tawo, indi lamang sa pag-angkon sang isa ka lapsag.
Apisar nga nagapangatubang siya sa pagpanghangkat, ginapahanumdoman niya ang iya kaugalingon nga importante ang tagsa ka bahin sang iya journey sa pagbusong.
Ginpasalamatan man niya ang iya support system, lakip na ang mga abyan kag pamilya, nga naghatag sa iya sang kusog kag pagsalig.
Madumduman nga sang Nobyembre, gin-anunsyo ni Bea nga ginbalibaran niya ang pila ka mga brand commitments agud masiguro ang kaluwasan sang iya lapsag kagmasami siya nagakadto sa ospital para sa mga check-ups.
