Nakabaton sang kritisismo si actress Kathryn Bernardo matapos nga ginbaton ang award bilang Most Influential Celebrity sa 11th EdukCircle Awards, bangud sa ginaalegar wala sini paggamit sang iya plataporma sa pagpahayag batok sa isyu sang korapsyon sa pungsod.
Suno sa mga netizens, bilang isa ka bantog kag impluwensyal nga tawo, ginalauman nila nga maghambal si Kathryn nahanungod sa mga isyu sa katilingban, partikular ang nagapadayon nga korapsyon sa gobyerno.
Sa iya acceptance speech, ginhatagan sang importansya ni Kathryn ang gahum sang mga pamatan-on sa “pagpakig-away para sa tama” Apang, wala gihapon siya nagpahayg sang direkta tuhoy sa isyu sang korapsyon.
Samtang, nagpakita naman sang suporta ang iya pamilya sa mga nagpasakop sa nationwide anti-corruption protest sang Setyembre 21 pinaagi sa paghatag sang food packs kag bottled water sa mga raliyista.
Tubtob subong, wala sa gihapon nagahatag sang pahayag si Kathryn angut sa isyu ukon sa mga kritisismo nga nabaton batok sa iya.
