Nagpasalamat si Kim Chiu sa mabaskog nga suporta nga nabaton sang iya “Kim Chiu Closet Bazaar 2026,” nga gilayon nga nabaligya apisar nga lima ka adlaw kuntani ini nga hiwaton.
Natapos ang kahiwatan sa sulod lamang sang isa ka adlaw kag tunga bangud sa pagdagsa sang mga bumalakal.
Sa Instagram post, ginpakigbahin ni Kim ang iya pagpasalamat kag mga kuha halin sa bazaar nga ginhiwat sa Quezon City.
Suno kay Kim, tuman ang iya kalipay kag pagdayaw sa mga tawo nga naglinya kag nagsuporta.
Gintawag ni Kim ang iya naeksperyensyahan bilang “three-way happiness” bangud malipayon siya nga madamo ang nagkadto sa iya event.
Ginpasalamatan man sang aktres ang mga nagbulig sa amo nga kahiwatan nga ginalakipan nanday Vice Ganda kag Ryan Bang. Ang tanan nga kita gikan sa bazaar igahatag ni kim sa charity.
