Nagpanawagan ang aktres kag komedyante nga si Tuesday Vargas sa iya mga kaupod nga artista nga magbuylog sa mga protesta batok sa korapsyon, may kaangtanan sa nagapadayon nga imbestigasyon sa ginaalegar maanomaliya nga flood control projects sang gobyerno.
Sa isa ka post sa Facebook sang Actress,nagpaambit si Tuesday sang iya litrato nga nagauyat sang isa ka plakard nga may mensahe nga “Lahat ng sangkot, dapat managot.”
Makita man sa placard ang nawong nanday Presidente Ferdinand Marcos Jr.,Vice Presidente Sara Duterte, kag iban pa nga mataas nga opisyales kaangay nanday Martin Romualdez, Senador Jinggoy Estrada, Bong Go, Joel Villanueva, kag ang kontrobersyal nga mag-asawa nga kontraktor nga sanday Pacifico “Curlee” kag Sarah Discaya.
Sa isa man ka separado nga post, ginpaambit man ni Tuesday ang art card nga may mensahe: “Artista ng Bayan, Manindigan laban sa Korapsyon.”
