Adele, plano nga magpahuway pagkatapos sang mga shows sini sa Las Vegas

Plano sang British singer nga si Adele nga magpahuway sa paghimo sang mga kanta kag shows.

Ginpahayag sang singer nga magapahuway anay ini kun matapos na ang mga serye sang shows sa Las Vegas.

Nagsugod ang mga shows sini sa Las Vegas sadtong nakaligad nga bulan kag nakatalana ini nga matapos sa Noyembre 23, 2024.

Si Adele ang nagdaog sang Grammy Awards sadtong 2009 bilang Best New Artist sa album sini nga “19”.