-- ADVERTISEMENT --
Nanindugan ang Armed Forces of the Philippines (AFP) sa pagpadayon sang ila nga “transparency initiative” sa West Philippine Sea (WPS), sa pihak sang padayon nga tensyon sa tunga sang Philippine officials kag Chinese Embassy.
Suno kay AFP spokesperson Adm. Roy Vincent Trinidad, katuyuan sang kampanya nga ipakita sa publiko ang agresibo kag iligal nga aksyon sang China sa teritoryo sang Pilipinas, kag ipakigbato ang kinamatarong sang pungsod sa ginaagawan nga kalalawran.
Importante man ini agud kontrahon ang sala nga impormasyon nga ginapalapta sang iban nga pungsod kag palapnagon ang insakto nga impormasyon natuhoy sa WPS, nga sakop sang soberanya sang Pilipinas sandig sa 2016 Arbitral Ruling.
