Agila, na-rescue sa banwa sang Panay

ROXAS CITY – Na-rescue sang mga residente ang isa ka ginapatihan nga agila ukon Philippine Eagle sa Barangang Bonga, Panay, Capiz.

Sa exclusive interview sang Bombo Radyo Roxas kay Ma’am Fatima nadakpan sang duha ka mga gumangkon ang nasambit nga pispis kag maluya na ini sang ila makita.

Nakitaan man sang pilas sa iya pakpak ang nasambit nga pispis

Bangud diri, ginpakamaayo na lamang sang pamilya nga atipanon ang nasambit nga pispis kag temporaryo nga ginbutang sa isa ka kurungan.

Nahibaluan nga tatlo na ka-adlaw nga yara sa paghinakop sang pamilya ang nasambit nga pispis.