Ginkumpirmar ni Police Captain Gary Diaz, assistant team leader sang Provincial Drug Enforcement Unit (PDEU) nga duha na ka beses nga napreso ang nadakpan nga isa aircon technician sa pagduso sang shabu sa Pueblo de Panay, Barangay Lawaan, Roxas City.
Matandaan nga ginkilala ang nadakpan kay Christian Barrosa, residente sang Barangay Banica, Roxas City.
Sa interview sang Bombo Radyo kay Diaz, ginpahayag sini nga sang tuig 2016 una na nga nadakpan si Barrosa kag nasundan ini sang 2022 apang nakaguha man ini bangud sa pag-avail sini sang plea bargaining agreement.
Sang nahilway si Barrosa, liwat naman ini nga namonitoran sang iligal nga aktibidad, rason nga nagkasa sang operasyon ang mga kapulisan.
Nangin madinalag-on ang ginkasa nga buybust operasyon kag natigayon ini nga nadakpan sang mga otoridad.
Sa karon, nagapabilin si Barrosa sa kustodiya sang Roxas City Police Station kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
