Nagpamahog ang US Department of Transportation nga ila pagasiraduhan ang pila nila ka mga airspace kon ang mga air traffic controller indi mag-abot sa trabaho.
Suno kay US Transportation Secretary Sean Duffy, mahimo nga maka-eksperyensya sila sang malapnagon nga delay kag kanselasyon sang flight bangud nga wala sang air traffic controllers.
Nahibaluan nga nakabaton na sang partial paychecks ang mga controllers sang nagligad nga semana.
Pareho sang mga Transportation Security Administration workers, ang mga controllers mga essential workers man nga kinahanglan magtrabaho apisar nga may federal government shutdowns.
Matandaan nga sugod sang nag-shutdown sang US Government nga naglab-ot na sa halos 40 ka adlaw, madamo nga mga federal workers ang wala mabayaran bangud sa kakulang sang pundo.
