Ginsita ni anay senador Panfilo “Ping” Lacson ang mga mamalidha sa duha ka kapulungan sang Kongreso nga nagduso para kargahan sang pondo ang Ayuda para sa Kapos ang Kita Program (AKAP) sa idalom sang gin-aprubahan nga 2025 national budget.
Matandaan nga nagkasundo ang mga senador kag kongresista nga ibalik ang budget para sa AKAP kag gintunga ang distribusyon sini.
Base sa napagkasunduan sa bicameral conference committee meeting, P21 bilyon sang pondo para sa AKAP ang mapunta sa Kamara de Representantes samtang ang P5 bilyon naman sa Senado.
Pet project ni House Speaker Ferdinand Martin Romualdez ang AKAP nga ginpanas sang Senado sa budget kag ginbalhin ang panukala nga pondi sini sa naga-iral nga ayuda program sang gobyerno.
Pgakontrolon sang Department of Social Welfare and Development (DSWD) ang AKAP kun sa diin, magahatag sang P3,000 tubtob P5,000 ang mga kapus-palad nga indibiduwal nga indi kuwalipikado sa iban pa nga programa sang gobyerno.
Apang ginsita ni Lacson ang diskarte sang Kongreso sa AKAP kag ginsiling nga labas na sa mandato sang institusyon ang pamumudmod sang ayuda.
Dugang pa ni Lacson nga indi naman trabaho sang mga senador kag kongresista ang magpatuman sang mga proyekto
Nagpaandam pa ang anay senador nga dapat maghalong ang mga mamalidha sa paglapas sa Batas.
“They CAN only legislate, NOT implement government projects like AKAP. They should at least be discreet when violating the Constitution,” suno kay Lacson.
