Gin-anunsyo sang Holy See Press Office nga pagahiwaton ang Misa Pro Eligendo Romano Pontifice o Misa para sa Election sang bag-o nga Santo Papa sa Miyerkules, Mayo 7, 2025 takna alas-10 sang aga (alas-4 sang hapon, oras sa Manila) sa St. Peter’s Basilica, sa pagpanguna ni Cardinal Giovanni Battista Re, Dean of the College of Cardinals.
Samtang, sa Lunes nga adlaw naman, Mayo 5, 2025, pasado alas-5:30 sang hapon (takna alas-11:30 sang gabi, oras sa Manila), pagahiwaton ang pagpanumpa sang mga opisyal kag kawani sang Conclave sa Pauline Chapel sang Vatican Apostolic Palace.
Kalakip sa mga nagapanumpa amo ang mga pari, madre, doktor, guwardiya, kag iban pa nga mga tinawo sa lugar.
Pormal na nga magasugod ang Conclave sa Miyerkules, Mayo 7, alas-4:30 sang hapon (alas-10:30 ng gabi, oras sa Manila) kun sa diin ang mga Cardinal Electors ang magasulod sa Sistine Chapel agud suguran ang proseso sang pagboto para sa masunod nga Santo Papa.
Ang mga Cardinal ang magasuksok sang tradisyonal nga suksok pangsimbahan kag magahulag sa espiritwal nga prusisyon padulong sa Sistine Chapel samtang ginakanta ang Veni Creator Spiritus.
Subra ang ginapatuman nga seguridad kag limitado lamang ang makasulod sa Conclave.
