Gin-ako sang aktres nga si AJ Raval sa isa ka interview nga may lima na siya ka mga kabataan. tatlo sa mga ini ang anak nila sang actor nga si Aljur Abrenica.
Maisog niya nga ginpaambit ang kamatuoran sa publiko agud tapuson ang mga isyu parte sa iya kabuhi.
Emosyonal niya nga gin-share ang istorya sang iya subang nga si Arianna nga pito ka tuig ang edad, kag ang ikaduha niya nga bata nga si Aaron nga nagtaliwan.
Ginpahayag man ni AJ nga importante sa iya nga mahatagan sang kahilwayan ang iya mga kabataan kag may yara sila sang normal nga pagpangabuhi.
Dugang pa ni AJ, mabudlay ang iya gin-agyan bilang lamharon nga iloy, apang dako gid nga bulig ang suporta sang iya pamilya.
Ginpaambit man sini nga may maayo nga relasyon ang iya mga kabataan kag may relasyon sila sa anak ni Aljur sa iya ex-wife nga si Kylie Padilla.
Sa katapusan, ginpahanumduman niya ang iya mga kabataan nga mangin maayo nga mga tawo kag indi pag-ilugon ang iya nga mga inagyan.
Matandaan nga sang Setyembre, una na nga ginbuyagyag sang iya amay nga si Jeric Raval nga may yara si AJ sang anak kay Aljur Abrenica nga amo man ang nagpaumpisa sang mas madamo pa nga estorya angot sa ila relasyon.
