Ginpaambit sang aktor nga si Alden Richards ang iya gin-agyan nga paghimakas sang 2024, nga gintawag niya nga “pinakamanubo nga punto” sang iya kabuhi pagkatapos nga nakaeksperyensya sang grabe nga depresyon.
Ginpahayag sang aktor nga naglawig sang anum ka bulan agud makabangon liwat ang iya kaugalingon gikan sa krisis nga iya naagyan. “It was not clinically diagnosed, but that was depression at its finest. That was depression,” dugang pa ni Alden.
Ginpakigbahin man sang aktor nga ginatago niya ang iya gina-agyan kag wala niya ginpahibalo bisan ang mga malapit sa iya. “I put the welfare of others over mine. But last year, I think that was my breaking point.”
Nagsiling sia nga ang iya paghatag kag pag-ulikid sa kaayuhan sang iban nangin sobra, tubtob sa punto nga sia mismo ginakapoy na—isa ka butang nga iya gintawag nga “that broke me to a million pieces.”
Karon, suno sa iya, mas ginapabaloran niya ang iya kaugalingon, kag nagabalik ang iya kusog kag kabaskog paagi sa pisikal nga mga hilikuton pareho sang pagdalagan kag pagbisikleta.
Ginklaro man ni Alden Richards nga indi niya luyag nga mausik ang iya kalipay sa iya love life.
