-- ADVERTISEMENT --
Tuman ang kalipay ni Pinay tennis star Alex Eala bangud sa pagsaka sang ranking sini sa Women’s Tennis Association (WTA).
Sa ginpaguwa nga ranking sang WTA, yara na ini sa pang-155 nga puwesto kun sa diin nag-abante ini sa anay 162 nga ranking sadtong nakaligad nga duha ka semana.
Sa karon nakasulod na si Eala sa quarterfinals sang W100 Vitoria-Gasteiz doubles kaupod ang French tennis partner nga si Estelle Cascino matapos lutuson ang mag-utod nga sanday Carolina kag Jimena Gomez.
Matandaan nga apisar napaslawan nga makasulod sa Wimbledon ang 19-anyos nga si Eala, wala ini nag-untat sa pagpasakop sa nagkalain-lain nga international events.
