Ginhinyo sang na-dismiss nga alkalde sang Bamban, Tarlac nga si Alice Leal Guo nga ibasura ang human trafficking complaint batuk sa iya bangud napaslawan suno ang mga complainant nga pamatud-an nga sangkot siya sa krimen.
Sa counter-affidavit nga ginfile ni Guo pila ka adlaw matapos isumite para sa resolution ang reklamo batuk sa iya sa DOJ sadtong Agosto 6, ginpahayag ni Guo nga ang nangin basehan lamang sang reklamo batuk sa iya amo ang electric bill kag mga dokumento sang BAOFU Land Development, Inc. kun sa diin siya ang anay stockholder nga indi suno bastante para pamatud-an nga nasangkot siya sa krimen nga ginakaulamiran sang ginsalakay nga POGO hub nga nag-upa sa Baofu compound nga yara sa likod lamang sang Bamban Municipal Hall.
Pahayag pa ni Guo nga ginbaligya na niya ang iya shares sa Baofu kay Jack Uy.
Klaro man suno nga indi makatarungan nga akusahan siya nga may kaangtanan sa human trafficking bangud lang sa alkalde siya sang Bamban.
Indi man suno dapat niya paggamiton ang iya posisyon sa wala sang basehan nga alegasyon ilabi na kun wala sang credible evidence para suportahan ang nasambit nga alegasyon.
