Posible nga ma-disqualified sa iya nga mayoralty bid si ex-Bamban Mayor Alice Guo, pwera na lamang kun makakuha ini sang Temporary Restraining Order (TRO), ini ang ginpahayag sang Commission on Elections (Comelec).
Suno sa Comelec gihapon sang mga ini ang certificate of candidacy ni anay Bamban Mayor Alice Guo.
Ginsiling naman ni Comelec Chairman George Garcia may mga grounds para sa disqualification.
Kalakip sa mga gintumod nga grounds for disqualification ang pagdeklarar nga nuisance candidate, petition seeking to cancel the COC bangud sa edad kag citizenship, kag ang Ombudman’s decision nga nag-impose sang perpetual disqualification from holding public office.
Nauna na nga ginsiling ni Comelec spokesperson John Rex Laudiangco nga wala sang kapangyarihan ang poll body nga awtomatiko nga kanselahon ang COC ni Guo bangud nagaasa ang mga ini sa desisyon sang Ombudsman.
Sang Biyernes, ginpahayag ni Stephen David, ang legal counsel ni Guo, nga ang na-dismiss nga alkalde sang Bamban ang magafile sang iya nga COC sa Martes, ang ulihi nga araw sang filing para sa May 2025 midterm elections.
Si Guo ang nagapangatubang sa kaso nga graft, qualified human trafficking, money laundering, kag tax evasion bangud sa ginapahayag nga pagkaulamid sini sa Philippines Offshore Gaming Operator (POGO) hub sa iya banwa.
Sa karon, nakahunong sa Pasig City Jail si Guo.
Ginkansela naman sang Department of Foreign Affairs ang Philippine passport bangud ang iya biometrics, nag match sa Chinese passport holder nga si Guo Hua Ping base sa files sang National Bureau of Investigation (NBI).
