ROXAS CITY – Ginpanindugan sang alkalde sang banwa sang Panay nga kapable pa ini nga magpangalagad sa iya mga constitutuents kag indi upang ang iya nga ikaayong lawas sa pagpanerbisyo.
Ini ang ginpahayag ni Mayor Felipe Barredo bilang sabat sa nagalapta nga isyu sa diin ginakwestyon ang estado sang iya ikaayong lawas, labi na nga indi masami makita ang iya nga presensiya sa munisipyo sang banwa.
Sa exclusibo nga interview sang Bombo Radyo kay Mayor Barredo, ginklaro sini nga ang iya pagkadto sa Amerika, indi para magpabulong kundi bisitahon ang mga kabataan kag apo.
Gintuad pa sini nga cancer free na siya sa diin may yara ini sang sertipikasyon nga magapamatood nga hilway na ini sa balatian nga cancer.
Apang aminado nga indi visible ang iya presensiya sa munispyo bangud ginapalikawan sang iya therapist nga magsaka sa hagdan sa baylo ginpanugyanan ini nga kun mag-walking siguraduhon lamang nga himoon ini sa flat surface agud indi madusmo.
Pag-abot naman sa mga pilirmahan kag sa nagapangayo sang bulig nga mga constituents, suno sa alkalde nga iya na lamang ini ginapakadto sa ila balay kag didto ginaakomodar agud indi mabudlay sa iya.
