Alkalde sang Rizal, Cagayan kag 2 ka kaupdanan patay matapos ginluthang samtang nagapangampanya para sa 2025 Elections

Patay ang alkalde sang Rizal sa probinsya sang Cagayan nga si Mayor Atty. Joel Ruma matapos nga ginluthang samtang nagapangampanya para sa 2025 elections.

Base sa inisyal nga imbestigasyon sang mga otoridad, ginaalegar natabo ang insidente samtang nagapangampanya ang alkalde sa Barangay Iluru Sur, Rizal mga alas 9 sang gab-i Abril 23, 2025.

Samtang nagakuha sang laragway ang alkalde upod sa pila ka mga residente sang lugar, sila ang ginluthang sang wala makilala nga mga suspetsado.

Napatay man sa insidente ang duha ka close aide sang alkalde.

Gindala pa ini sa ospital apang gindeklarar nga dead-on-arrival sang mga doktor.

Padayon pa ang imbestigasyon sang mga otoridad sa nasambit nga insidente.