ROXAS CITY – Natigayon sa gihapon nga ipatigayon ang kapistahan sang patron sang Immaculate Conception subong nga adlaw Disyembre 8, 2020 kadungan sang COVID-19 Pandemic.
Mahibaluan nga gindagsa sang madamo nga mga indibidwal ang ginpatigayon nga misa sa Immaculate Conception Metropolitan Cathedral sa pagpanguna ni His Eminence Cardinal Jose F. Advincula Jr., sa siyudad sang Roxas.
Sa interview sang Bombo Radyo kay Dadivas nga sa pihak sang COVID-19 pandemic nga ginapangatubang sa pungsod natigayon sa gihapon ang mga aktibidad sa siyudad pinaagi lamang sa virtual.
Ginpahayag pa sini nga nagapasalamat ang alkalde sa mga pumuluyo sa siyudad kun sa diin nag-ugyon man ang kadam-an.
Sa nasambit nga misa nakita man ang presensya sang tanan nga miyembro sang pamilya ni Dadivas kag Capiz Gov. Esteban Evan Nonoy Contreras kag iban pa nga mga opisyal sang gobyerno.
