ROXAS CITY – Generally peaceful ang nangin assestment sang Philippine National Police sa pag-obserba sang All Saint’s kag All Soul’s day sa probinsiya sang Capiz.
Ginpahayag ni Police Executive Master Sergeant Donna Asmod, tagpamaba sang Capiz Police Provincial Office (CPPO) nga wala sang dalagkuan nga insedente nga nahinabo sa probinsiya.
Ang isa ka insedente nga pagkadakup sa 81-anyos nga senior citizen nga nagadala sang armas sa Mambusao Public cemetery ang makabig nga isolated case.
Ginpasiguro man ni Asmod nga magapangatubang sang nagakaigo nga panumbungon ang nasambit nga violator.
Ginkalipay man sa pagtuad sang opisyal ang pagbulig sang mga LGU’s sa mga pulis nga makit-an ang presensiya sa palibot agud mapabilin nga peace and orderly ang lugar.
Ginpasalamatan man ni Asmod ang pumuluyo nga naghatag sang bug-os nga suporta kag kooperasyon, rason nga nangin matawhay sa kabug-usan ang pag-obserbar sang All Saints kag All Souls day.
Ginpabugal man sang opisyal ang nangin accomplishment sang kapulisan nga sa pihak sang kasakuon, naka-aresto pa sila sang mga wanted person.
Samtang indi naman makunsiderar nga All Saints kag All Souls day related incident ang natabo nga pagluthang-patay sa lalaki sang iya mismo pakaisa sa banwa sang Jamindan.
