Gin-ulan sang nagkalain-lain nga reaksyon ang pahayag ni Alvin Aragon angot sa pag-resign sang iya asawa nga si Izzy Trazona sa SexBomb Group.
Hugot nga ginpanginwala ni Alvin nga siya ang rason sang pagbiya ni Izzy Trazona sa grupo kag gin-athag nga kabahin sang ila relasyon amo ang pagpangamuyo kag pagpangayo sang advice sa isa kag isa.
Gin-athag man sini nga naghalin si Izzy sadtong 2009 antes pa sila kaslon, gani wala sang kahilabtanan ang ila relasyon sa iya desisyon, kag resulta ini sang iya pagpati sa Kristiyanismo kag pagtawag sang Dios sa iya kabuhi.
Kalakip sa mga rason kon ngaa nag-resign si Izzy bangud sa pangalan sang groupo, panuksukon, kag mga hulag sa pagsaot nga ginakabig niya nga indi nagakaigo para sa mga pamatan-on.
Dugang pa sini, ang desisyon sang iya asawa indi tungod sa iya, romance, ukon kwarta, kundi bangud sa iya pagpati kag convictions.
Sa katapusan, gin-insister sini nga ang paghalin ni Izzy sa grupo isa ka buluhaton sang pagtuman sa kabubut-on sang Dios, kag liwat ga in-athag nga wala siya sang papel sa desisyon sang iya asawa, kundi nagasuporta lamang siya sa iya mga pagpati.
