ROXAS CITY – Pilas ang naangkon sang 35-anyos nga lalaki matapos, ginlabo sang kaugalingon sini nga amay sa Sitio Tag ao, Barangay Tamulalod, Dumarao Capiz.
Ginkilala ang biktima kay Leovan Hinguillo Cardo, mangunguma samtang ang suspek ang ginkilala kay Giovanne Paderogao Cardo nga lunsay mga residente sang nasambit nga lugar.
Sa impormasyon nga nakuha sang Bombo Radyo sa Dumarao Municipal Police Station, ginapahayag nga samtang naga-inum-inum ang mag-amay sa balay sang ila himata nauna nga magpauli ang suspek kag nagsunod man ang biktima.
Pagsulod sang biktima sa ila puluy-an nakit-an sini nga may gina-uyatan na nga matalum nga hinganiban (bolo) ang iya amay kag hinali na lamang ini nga ginlabo.
Bangud sa natabo nag-angkon sang pilas sa nawala nga bahin sang iya nawong ang biktima nga madasig ginpadangat sa Dao District Hospital apang gintransfer ini sa Roxas Memorial Provincial Hospital agud dapatan sang nagakaigo nga pagbulong.
Samtang, padayon naman ang pagpatigayon sang hot pursuit operation sang mga kapulisan sa nasambit nga suspetsado.
