Amay ginlabo sang kaugalingon nga anak

ROXAS CITY -Padayon nga ginabulong sa ospital ang isa ka amay nga ginlabo sang kaugalingon nga anak sa Barangay Bungsuan, Dumarao, Capiz.

Ginkilala ang biktima nga si Nathaniel Carisma 60-anyos sang Stockfarm, Barangay Bungsuan, Dumarao samtang ang suspek nga anak amo si Regine Carisma.

Nahibaluan nga hubog nga nagpauli sa ila balay ang suspek kag ini ang ginpamangkot sang amay.

Apang posible ginkairita ini sang anak rason nga nakaangkon sila sang pagbaisay sang amay tobtob nga nagkuha sang binangon ang suspek kadungan ang paglabo sa biktima nga nag-angkon sang samad sa porsyon sang ulo kag abaga.

Gilayon naman nga naaresto ang suspek matapos nga nagresponde ang mga kapulisan.